Skip to main content

रिलेशनशिप स्टेटस : सिंगल

And that neither means Available nor ready to Mingle!!!!
रिलेशनशिप  स्टेटस:सिंगल एक भुवया उंचावणारं स्टेटमेंट..... (भुवया उंचावण्याची कारणे अर्थात वेग-वेगळी असतात..... ;))
आणि त्यामागून येणारा म्हणजे ओघानेच येणारा प्रश्न "का???"
आणि त्याचं त्याच सहजतेने दिलेलं उत्तर.... "अजून 'तसा ' कोणी भेटला नाही".....
आता  हे 'तसा' काय प्रकरण आहे, हा मुलांना पडलेला स्वाभाविक प्रश्न!
आणि त्याचं उत्तर शोधायचा केलेला हा लहानसा म्हणजे अगदी बारीकसा प्रयत्न...
तर एखाद्या मुलीच्या सिंगल असण्यामागे खूप काही कारणं असतात....म्हणजे बघा ना, प्रत्येक मुलीच्या मनात एक राजकुमार हा असतोच; मग भले ती मुलगी दासी होण्यालायक तरी असो वा नसो.... पण का माहित नाही हे काही मला पटत नाही....म्हणजे माणसाने expect तेव्हढंच करावं जेव्हढ त्याला बनणं शक्य आहे..... आता मला माहितेय की मी राजकुमारी वगैरे नाहीये... दिसण्याबद्दल म्हणतेय मी.... बाकी माझ्या विश्वाची मीच राजकुमारी आहे..... एक 'स्वच्छंदी' राजकुमारी.....आणि असाच एक स्वच्छंदी राजकुमार हवाय मला.... तो अगदी माझ्यासारखा असावा या गोष्टीबाबत मी अजिबात आग्रही नाहीये.... बस्स त्याने स्वच्छंदी असावं.... माझ्याकडे जे जे गुण नाहीयेत ते त्याच्याकडे असावेत.... म्हणजे एखाद्या पुर्णाकृतीचा एक भाग जर मी असेन तर त्याने दुसरा असावा.... आतापर्यंत मी जे काही आयुष्यात केलेलं नाहीये ते सर्व आजमावण्यात त्याने मला मदत करावी. आणि आता जर तुम्हाला मी स्वच्छंदी न राहता स्वार्थी वाटत असेन, तर तो गैरसमज आधी दूर करू देत. मी मगाशीच म्हटल्याप्रमाणे जेव्हढ आपण expect करतो, तेव्हढी द्यायची तयारी हवी. जे काही मी त्याच्याकडून मागेन ती किंवा त्याने माझ्यासाठी करावं अशी इच्छा बाळगेन ते सर्व मी माझ्यासाठी करू शकते का, हे आधी मी बघेन. उदाहरणच द्यायचं झालं तर, बहुतेक करून मुलींना वाटतं की त्याच्याकडे गाडी किंवा मोठं घर असावं.... पण त्या हे कधीच लक्षात घेत नाहीत की, की ही अपेक्षा करणं योग्य आहे का....आता यावर काही लोकांचं म्हणणं हेही असेल की, जर स्वत:साठी सर्व काही तुम्ही करू शकतं तर 'त्या'ची काय गरज.....
पण काय आहे ना, एखाद्या व्यक्तीला पूर्ण करण्यातली मजा काही औरच आहे. त्याच्या छोट्या छोट्या इच्छा पूर्ण करण्यात आपला लागलेला थोडासा हातभार, आणि ती ईच्छा पूर्ण झाल्यावर त्याच्या चेहऱ्यावरील समाधान.... या सर्व गोष्टींचा अनुभव मला घ्यायचाय....
आयुष्य हे क्षणांमध्ये सामावलेलं असतं.... अशाच क्षणाक्षणांनी आयुष्य पूर्ण होतं.... असेच काही क्षण आपल्या माणसाचं आयुष्य पूर्ण करण्यात वेचावे असं मला खूप मनापासून वाटतं.... आणि म्हणूनच 'त्या'ला शोधतेय मी.... जो मला compliment करेल..... आणि ज्याच्या सोबतीने मी पूर्ण होईन.....


Comments

Gaurav said…
सिंगल मुलगी ओळखणे हे महाकठिण काम आहे कारण मुली (काही अपवाद वगळता) आपल्या रिलेशनशिप स्टेटस बाबतीत (उगाचच) गुढ वगैरे निर्माण करतात.. Anyways.. nice post.. आणि तुला तुझा स्टेटस नविन वर्षात चेंज करण्यासाठी शुभेच्छा.. :p
खरंय तुझं म्हणणं, अशा खूप साऱ्या मुली असतात.... पण आनंद वाटतो सांगताना की मी अपवादात येते...पोस्ट आवडली हे ऐकून आनंद झाला आणि शुभेच्छांसाठी खूप खूप धन्यवाद!!!!
छान लिहलं आहेस ! खर तर मुलींच्या मनात काय असतं हे कुणालाच कळत नाही! असो. पण प्रत्येक पुरुषाने ते अ‍ॅटलिस्ट जाणण्याचा प्रयत्न तरी करायला हवा!
एक जोक आठवला
जगातल्या सर्वात लहान पुस्तकाचं नाव आहे What Women wants??? आणि त्यात लिहिलं आहे Everything!!
हे हे हे !! Just Kidding :)
Nice article, keep it up!
Maheshwar K said…
Well written. All the best.
vaibhav_sadakal said…
.....असं म्हणतात की, स्त्रीच्या मनातलं ब्रम्हदेव देखील ऒळखू शकत नाही. तेथे स्त्रीच्या मनातलं ओळखणारे आपण कोण?
.....तुम्ही खरंच छान लिहीलं आहे.
@ दीपक, vaibhav : स्त्रीच्या मनातलं कोणी ओळखू शकत नाही असं म्हणत जरी असले तरी ते तितकसं खरं आहे असं मला वाटत नाही.... कोणत्याही मनाचा जितक्या सरळपणे विचार केला जाईल,तितकं ते सरळ असतं असं मला वाटतं... प्रतिक्रिया वाचून याचा 'भाग : २ ' सुद्धा लिहावा असं वाटतंय.... :P :D
@ Maheshwar : धन्यवाद!!!
जसं, जिकडे वळवलं तसं, त्याप्रमाणे स्त्रीचं मन झुरवता येतं वा झुरवत ठेवता येतं, असं माझा मित्र मला म्हणाला होता. त्याचा सूर बहुधा—जरी स्त्रीचं मन जाणणं कधी शक्य नसलं तरी ते आपलंसं करुन घेणं सहज शक्य असतं—असं काहीसं सांगण्यात असावा, असो. या त्याच्या सूचनेत मला यत्किंचितदेखील शंका वाटली नाही, पण केवळ मौज म्हणून वा बालिशपणे वा उपहासात्मकरीत्या स्त्रीच्या मनाशी अगदी हीच पद्धती वापरून खेळणं म्हणजे तीचा विश्वासघात—याचे दूरवर आघात जाणवतात—तीला, त्याला अन् नाहक इतरांनादेखील. मुळात प्रेमासारखी स्वच्छ व परमलौकिक आनंद देणारी दुसरी कुठली गोष्ट नसावी, ज्याने-त्याने योग्य अन्वयार्थ समजून-उमगून आपल्या प्रेमाचा आदर करावा. अंततः प्रेमाचे फलित म्हणजे—वन नाइट स्टँड व/वा लग्न, ही फाजील लालसी वृत्तीच चूकीची आहे. सर्वकाही ऐच्छिक कधीच नसते. अनंत प्रेमाचे (मग ते एकेरी असो वा दोहोबाजूंकडून) फलित—त्याग, वियोग इ. निरुत्साही करणाऱ्या गोष्टींत होण्याच्या बहुतांश घटना आहेत, घडतात देखील. या निरुत्साहवर्धी(?) फलितांतच माझे व तीचे/त्याचे भले आहे, हे वास्तवदर्शी समाधान मानले, तर जीवन अधिक सुखकर होऊ शकते.

बाकी तुमचे विचार उत्तम.
मन कोणाचही असो, स्त्री अथवा पुरुष, आस ही त्याला निस्वार्थी आणि निर्मळ प्रेमाचीच असते....
नाही, ही बाब समाजात आजूबाजूला पाहता समर्थनीय नाही. सर्वांचीच मने निःस्वार्थ व/वा निर्मळ प्रेमासाठी मुळीच आसुसलेली नसतात, बहुतांशी जणांचा असं करण्यामागे एक विशिष्ट कावा असतो. आणि असं प्रांजळ प्रेम करणाऱ्यांमध्येही न भूतो न भविष्यति असा अचानक कुठल्याश्या क्षुल्लक कारणामुळे उगवलेला मत्सर कधी-कधी जिव्हाळ्याच्या काचेला तडा पोहोचवू शकतो, तेव्हा जरा जपून. हे सांगण्यामागे मला काय अभिप्रेत आहे, हे बहुधा तुम्ही जाणले असावे.
कितीही जग वाईट म्हटलं तरी दृष्टी महत्वाची नाही का??? आपण त्यातल्या त्यात निर्मळ शोधायचा प्रयत्न करावा आणि अर्थात त्यासाठी आपण स्वत: आधी तसा विचार करणं गरजेचं आहे.... :)
BinaryBandya™ said…
अप्रतिम लिहिले आहेस ..
"असेच काही क्षण आपल्या माणसाचं आयुष्य पूर्ण करण्यात वेचावेत"
सुंदर विचार आहेत ...
धन्यवाद !!!! तुझी प्रत्येक पोस्ट वाचायला जाम आवडतं....
वाह !!
मस्त पोस्ट, छान लिहिलंय. आजचं हा ब्लॉग सापडला. वाचून काढतो.

बाय द वे, कोणाच्या मनातलं ओळखण इतकं कठीण नसतं. नाती संवेदनशील असतात, त्या संवेदना, भावना आपोआप मनाला कळतात देखील फक्त ती आपल्याला कळली आहे की नाही हेच आपल्याला कधी कधी कळत नाही. :(

लिखाणासाठी खुप खुप शुभेच्छा !!
मनाली said…
पटलं तुमचं म्हणण!!! म्हटलं तर काहीच कठीण नाहीये, फक्त म्हटल पाहिजे!!!
alhadmahabal said…
आवडलं आणि पटलंसुद्धा...

पु.ले.शु.
Prasad said…
मस्त ब्लॉग आहे!नाते जर परस्परांना पूरक असेल तर आयुष्य किती सोपे वाटेल ना! तुझ्या मनाला पाहिजे तसा पार्टनर मिळावा हि शुभेच्छा!
Manali said…
@Prasadधन्यवाद!!!
Hey manali .. kadachit me pan tujhachsarkha vichar karte tu barach mulincha representative mhanun chan lilhilayes
superlike !!!!
Manali said…
Thank You Aditi! Welcome! :)
adesh pote said…
सुंदर विचार.

Popular posts from this blog

तू कोई और है

आज मी एकटी एक सिनेमा बघायला गेले. ‘मजबुरी’ म्हणून नाही तर बघायचा होता म्हणून! माझी एकटे जाऊन सिनेमा बघायची खूप वर्षे इच्छा होती, पण कधी तशी वेळ आली नाही. या वेळेस सुद्धा आली नसती, परंतु संधीची चाहूल लागताच मी ठरवलं कि यावेळेस नक्की! सिनेमा संपल्यावर समोरच्या क्यानी मध्ये मी एका अनोळखी मुलीसोबत table shareकेले. हा अनुभवदेखील पहिलाच! मी माझा सुलेमनी चहा पिता पिता तिच्याशी बऱ्याच गप्पा मारल्या. असे अनुभव खऱ्या अर्थाने माणसाला समृध्द करतात!
सिनेमा ह्या गोष्टीकडे नेहमीच एक social गोष्ट म्हणून पहिले जाते.त्यात तत्थ्य असले तरी सिनेमा हा एक वैयक्तिक अनुभव असायला हवा. निदान माझ्यासाठी तरी आहे! For me, cinema is all about what it makes you feel. Cinema is a piece of art. We should pay attention to its craft. There a quote by Rainbow Rowell from a brilliant book called ‘Eleanor and Park’. It says, “Eleanor was right. She never looked nice. She looked like art, and art wasn’t supposed to look nice; it was supposed to make you feel.” So I try to measure everything that I see against that unit. How m…

स्वच्छंदी ते सात्मन्

सध्या प्रश्न हा आहे की मी पुन्हा इथे का आलेय?
मी २०१० मध्ये बारावीची परीक्षा झाल्यानंतर हा ब्लॉग लिहायला सुरु केलेला. आणि तेव्हाची कारणं ही खूप वेगळी होती. तेव्हा आतली घुसमट कुठेतरी व्यक्त व्हावी ही इच्छा होती. (VERSION - 2010)
परंतु आता विचार केल्यावर असं जाणवतंय की बरंच काही बदललंय आणि रोजच्या रोज बदलतंय. ह्या बदलांची कुठेतरी नोंद करून ठेवायला हवीये. जर तुम्ही या आधी इथे कधी आला असाल तर तुमच्या लक्षात येईल की ह्या ब्लॉगचे नाव आता ‘सात्मन्’ असे झाले आहे. पूर्वी ते ‘स्वच्छंदी’ असे होते! आणि ह्या ब्लॉग चा address meemanali.blogspot.in असा होता! आणि आता मला त्या गोष्टीची लाज वाटत होती. म्हणजे स्वतःचं नाव त्या ब्लॉग address मध्ये ठेवण्यासाठी मी (mee) केलेला अट्टाहास आता मला नकोसा वाटत होता. आता नाहीये मी तशी! मी स्वच्छंदी देखील नाहीये. होय, हे खरं आहे. आणि मला त्याचा स्वीकार करणं हे शिकायलाचं हवं. मी स्वच्छंदी विचार करत असेन, परंतु मी स्वच्छंदी वागत नाही. त्याला बरीच कारणे आहेत. स्वच्छंदी हा एक प्रकारचा escape होता बहुतेक! त्या वेळेस मी जशी आहे त्याबाबत comfortable नसल्याने स्वत:च निर्माण क…

2013

मी  २०११ मधील आठवणी लिहिल्या होत्या. २०१२ मध्ये आळशीपणा केला. पण या वर्षी ठरवलंय मी, उशीर झाला तरी चालेल पण लिहायचं. खरं सांगायचं तर सगळं किती बदलल्या सारखं वाटतं. म्हणजे दोन वर्षांपूर्वी लिहिलेल्या गोष्टी वाचून तर मी खूप दूर आल्यासारखं वाटतं मला. आणि मला माहितेय ही चांगली गोष्ट आहे, कारण माझा प्रवासावर खूप विश्वास आहे. ३६५ दिवसांत जर तारखेशिवाय काही बदललं नसेल, तर ते दिवस वाया गेल्या सारखे आहेत. नाही का? आता मी सांगेन त्या आठवणी ह्या घटनाक्रमानुसार (order-of-occurence :P) आहेत, त्यात आवड-नावड असं काही नाही. :D
१.Canvas 2 गेल्या वर्षी जानेवारी मध्ये मला माझा पहिला वहिला smartphone मिळाला. देसी कंपनी चा स्वस्त आणि मस्त फोन! जेव्हा मी ठरवलं कि हा फोन घ्यायचा तेव्हा अर्थात बरयाच लोकांनी नाकं मुरडली. पण खरं सांगते, it’s been really good! J कॅमेरा पेक्षा फोटोग्राफर महत्त्वाचा तसेच फोन वापरणारा कितपत फोन चा वापर करतो हे महत्त्वाचं ! मी नेहमी फोन ला चिकटून असते हि एक बाब सोडली तर, सगळं किती सोपं वाटतं ह्या फोन्स मुळे.
ह्या फोन मुळे अजून एक अगदी सहज शक्य झालेली गोष्ट म्हणजे फोटोज काढून share क…